Papiamentu
Djárason 27 di mei, alrededor di 7:45 di anochi, sentral di komunikashon di polis (“meldkamer”) a risibí un notifikashon tokante un bringamentu entre algun persona riba Kaya L.S. (Goi) Coffi, serka di ofisina di Duana.
Na yegada di e patruyanan, nan a topa ku e personanan enbolbí na e sitio, inkluyendo un agente polisial na sivil. For di investigashon preliminar a sali na kla ku tabata trata di un kaso di violensia públiko kontra e agente polisial na sivil.
Polis a detené kuater sospechoso pa diferente delito, entre otro violensia públiko, resistensia durante detenshon, no kumpli ku òrdu di polis, menasa i maltrato. Ademas, un di e sospechosonan a kousa destrukshon na un vehíkulo polisial.
E sospechosonan ta tres dama ku inisialnan B.M.H. (23 aña), I.L.K.B. (21 aña), Q.R.R. (25 aña) i un hòmber ku inisialnan C.T.K. (31 aña). Tur e sospechosonan ta turista.
Investigashon den e kaso aki ta kontinuá.
Kargando komentarionan...