Bonaire Culinary Week ta bolbe tuma lugá di 24 di sèptèmber te ku 8 di òktober. Durante e evento di 15 dia, residente i bishitantenan por eksperimentá ku menu i spesialnan prepará pa e okashon den diferente restorant i negoshi di kuminda na Boneiru. Mas ku 20 restorant, kafe, panaderia i otro negoshi di gastronomia ta partisipá den e edishon aki. Kada partisipante ta prepará un menu spesial òf un oferta pa Bonaire Culinary Week, ku ta duna kliente e oportunidat pa tèst platonan nobo òf bolbe na lugánan ku nan konosé kaba.

Un evento ku ta tuma lugá dos biaha pa aña

Advertisement

Bonaire Culinary Week ta kedaorganisá dos biaha pa aña. E evento a bira un parti di e kalendario kulinario di Boneiru, ku restornt i otro negoshinan di gastronomia ta presentá menu i spesialnan durante e periodo di e evento.

Pa e edishon di otoño, e organisashon ta konta ku sosten di The Wine Factory, Real Dutch Bakery, Pietersz, Orco Bank i Bottles.

Premionan pa partisipante

Ademas di e menu i spesialnan, bishitantenan tin oportunidat pa partisipá den un sorteo. Pa drenta e sorteo, partisipantenan mester skan e QR code disponibel na lokashonnan ku ta partisipá i laga un review.

E premionan pa e edishon aki ta inkluí:

• Un dinner di sinku plato pa dos persona na Joe's Restaurant
• Un gift card di At Sea
• Un charcuterie platter pa dos persona di Wines & More
• Breakfast pa dos persona na Flora
• BBQ dinner pa dos persona na Rum Runners
• Un pitcher di sangria na Bon Tapa

E organisashon ta indiká ku reservashon ta rekomendá, pasobra disponibilidat por ta limitá durante e periodo di Bonaire Culinary Week.

Bonaire Culinary Week ta tuma lugá di 24 di sèptèmber te ku 8 di òktober 2026. Pa mas informashon i e lista kompleto di negoshinan ku ta partisipá, organisadornan ta referí na bonaireculinaryweek.com i nan página di Facebook.