Thammy Albertsz lo asumí e funshon di Komandante General di Kuerpo di Bombero Hulanda Karibense (BKCN) entrante 16 di ougùstùs 2026. E lo sigui Thijs Verheul, kende su periodo komo Komandante General ta yega na su fin dia 15 di ougùstùs.

Albertsz, ku tin 35 aña di edat i a nase na Boneiru, ta trahando na BKCN for di aña 2018. For di 2022 e ta ocupando e puesto di Komandante Lokal na Boneiru, kaminda el a karga ku e maneho diario di e organisashon di brantwer riba e isla.

Ku su nombramentu, Albertsz lo bira e persona responsabel pa liderá Kuerpo di Bombero Hulanda Karibense na Boneiru, Sint Eustatius i Saba. BKCN ta e organisashon di brantwer ku ta sirbi e tres islanan BES, ku komo mishon prinsipal pa protehá bida, propiedat i medio ambiente.

Den un reakshon riba su nombramentu, Albertsz a bisa ku e ta konsiderá e reto nobo komo un gran honor. “Tras di kada despliegue tin un tim ku orguyo, rèspèt i dedikashon ta komprometé su mes pa seguridat di Boneiru, Sint Eustatius i Saba. Pa mi ta un honor pa guia e tim aki komo Komandante General. Kolaborashon, konekshon i seguridat ta para sentral den esaki,” segun Albertsz.

Ku su eksperensia den liderasgo lokal i su konosementu di komunidatnan BES, ta spera ku Albertsz lo sigui fortalesé desaroyo di BKCN i kolaborashon entre e tres islanan durante añanan benidero.

Advertisement