Konsumidónan na Boneiru por spar te na $619,55 dor di kompará preisnan di produktonan básiko entre diferente supermerkado. Esaki ta sali for di e komparashon mensual di preis pa luna di ougùstùs 2026, publiká pa Fundashon Tienda pa Konsumidó Boneriano (FTPKB).

Segun e fundashon, e diferensia promedio di preis entre e produktonan básiko mas barata i mas karu ta 41,3%, indikando ku ainda tin diferensianan konsiderabel entre diferente supermerkado na Boneiru.

Advertisement

Den e ranking di supermerkadonan ku ta ofresé e mayoria di produktonan mas barata, Caribe Nobo ta na promé lugá. E supermerkado aki tabata tin 28 produkto ku e preis mas abou, representando un posibel sparmentu di $89,67, prinsipalmente den kategorianan manera fruta, berdura i bebida.

Warehouse a keda na di dos lugá ku 29 produkto ku preisnan kompetitivo. Segun FTPKB, konsumidónan por spar alrededor di $72,00 riba produktonan manera ariña, grano i bebida.

Na terser lugá ta Liagxiang, ku 17 produkto ku e preis mas abou. E posibel sparmentu den kategoria di fruta, berdura, ariña i grano ta estimá na $49,23.

E organisashon ta rekomendá konsumidónan pa kompará preisnan promé ku hasi kompra i, kaminda ta práktiko, kombiná bishita na diferente supermerkado pa probechá e mihó preisnan. Tambe nan ta konsehá pa presta atenshon spesial na produktonan ku e diferensia di preis mas grandi.

Pa mas informashon tokante e komparashon di preisnan, FTPKB ta referí interesadonan na su wèpsait ofisial.