Papiamentu
Entidat Públiko Boneiru a kuminsá ku e proseso di destaho pa e mantenshon kompleto di Kaminda di Rincon, un trayekto importante ku ta konektá Rincon ku Playa.
Despues di e trabounan di reparashon ku a wordu realisá den 2025, Entidat Públiko awor ta avansá ku un siguiente fase pa atendé estado di e kaminda. Pa hopi tempu, habitante, empresario i otro usuarionan a señalá molèster i problema relashoná ku kondishon di Kaminda di Rincon.
Ku e komienso di e proseso di destaho, ta habri e kaminda pa un mehorashon mas struktural di e trayekto kompleto. Durante e proseso lo evaluá i selektá un kompania ku tin e kapasidat pa prepará i ehekutá e trabounan.
Despues ku e kontratista keda selektá, lo sigui pa preparashon detayá di e proyekto. Esaki lo inkluí planifikashon di trabounan, e posibel repartishon den diferente fase i e manera pa mantené aksesibilidat di e kaminda durante ehekushon.
Entidat Públiko Boneiru ta indiká ku mas informashon tokante e komienso konkreto di e trabounan, planifikashon i posibel impakto riba tráfiko lo keda komuniká ku habitante, empresario i otro personanan enbolbí ora ku e informashon ta disponibel.
Kargando komentarionan...