Papiamentu
Kuerpo Polisial Karibe Hulandes (KPCN) ta investigando un atrako armá ku a sosodé den oranan tempran di djaluna 20 di yüli na un bar situá na Bulevar Gobernador N. Debrot.
Segun informashon di polis, alrededor di 00:50 di mardugá, meldkamer sentral a risibí un notifikashon tokante e atrako.
For di investigashon preliminar ta resultá ku tres sospechoso, bistí kompletamente na pretu i ku nan kara tapá, a drenta e bar alrededor di 11:00 di anochi di djadumingu 19 di yüli. Nan a menasá e doñonan ku un arma di kandela, mara nan i tapa nan boka.
E sospechosonan a logra bai ku plaka kèsh, diferente merkansia i dokumentonan personal di doñonan di e establesimentu. Alrededor di 00:45 di mardugá nan a bandoná e sitio, kore den direkshon di Kaya Dialma.
Polis ta hasi un yamada na tur persona ku por a mira algu sospechoso òf ku tin informashon relashoná ku e atrako armá aki pa tuma kontakto na number 715 8000 òf yama e liña di tep anónimo 9310.
Investigashon den e kaso ta kontinuando.
Kargando komentarionan...