Papiamentu
Djabièrnè 10 di yüli, alrededor di 12.15 or di mèrdia, ‘meldkamer’ sentral di polis a risibí un notifikashon tokante un persona ku a haña problema den laman na Sorobon i a guli hopi awa.
Na yegada di polis na e sitio, presentenan a logra saka e víktima for di laman i tres’é na kantu, kaminda e persona a keda na espera di yegada di ambulans. Durante ku polis tabata na e sitio, a resultá ku tabatin un di dos víktima envolví den e situashon, un menor di edat, ku tambe a haña problema den laman i a guli awa.
Un testigu a indiká na polis ku ámbos persona tabata riba un kayak ora e kayak a bòltu, resultando ku nan a kai den laman.
Ambulans a transportá ámbos víktima pa hòspital pa un kòntròl médiko i tratamentu. No tin mas informashon disponibel tokante nan kondishon.
Kargando komentarionan...