Papiamentu
Djabièrnè 28 di ougùstùs, alrededor di 7:30 p.m., Meldkamer Sentral a risibí un notifikashon tokante un aksidente di tráfiko na Kaya Gilberto F. Croes, kaminda un vehíkulo a resultá den roi.
Segun informashon preliminar di polis, e shofùr a pèrdè kòntròl riba e vehíkulo, resultando ku e outo a kaba den roi. Dos persona ku tabata den e vehíkulo a resultá heridá durante e insidente.
Brantwer i personal di ambulans a move rápidamente na e lugá. Brantwer a ehekutá e trabounan di reskate nesesario pa liberá e víktimanan for di e vehíkulo, despues di kua nan a keda entregá na personal médiko pa evaluashon i tratamentu.
Durante e investigashon inisial, tabatin indikashon di posibel uso di alkohòl. Konforme e prosedura di “botsen is blazen”, polis a hasi un tèst di supla ku e shofùr. E resultado a indiká ku e shofùr a konsumí mas alkohòl ku ta pèrmití segun lei.
Debí na e kondishon médiko di e shofùr, no tabata posibel pa transport’é mesora pa warda di polis pa un análisis di rosea.
Polis ta kontinuá investigando e sirkunstansianan eksakto ku a kondusí na e aksidente.
Kargando komentarionan...