Papiamentu
Polis a detené un sospechoso di 20 aña riba laman djasabra 17 di òktober, alrededor di 3:30 or di atardi, den konekshon ku investigashon di kaso kaminda a tira bala riba outo di un agente polisial.
Segun informashon di Kuerpo Polisial Hulandes Karibe (KPCN), e detenshon a tuma lugá den un boto riba laman, ku sosten di Wardakosta.
E sospechoso ta un dama ku inisial S.I.W., di 20 aña di edat. KPCN a indiká ku e mesun sospechoso a keda detené anterior, riba 4 di mart, pa un kaso di maltrato di un agente polisial na Waf di Piskado.
E investigashon den e kaso di disparo riba e outo di e agente polisial ta kontinuá.
KPCN ta hasi un yamada na tur hende ku por a mira òf tende algu, òf ku tin informashon relevante pa e investigashon, pa tuma kontakto ku polis via number 715-8000. Tambe, por duna informashon di forma anónimo via e liña di tep 9310.
Kargando komentarionan...