Papiamentu
Un interupshon tékniko den e sistema di Pagabon ta laganda hopi hende sin posibilidat pa kumpra nan koriente, ku resultado ku hopi kas ta sin koriente.
E problema a kuminsá djawebs atardi ora e kompania WEB a informá ku tin un interupshon den e sistema di Pagabon. Dor di esaki, temporalmente no tabata posibel pa kumpra koriente na e puntonan regular di benta.
Den un aktualisashon publiká djabièrnè mainta, e kompania a indiká ku e problema ta dura mas largu ku tabata sperá. E interupshon ta afektá tur establesementunan ku ta bende Pagabon, inkluyendo e ofisina prinsipal.
Mientras tantu, residentenan a kuminsá reportá ku nan no por rekargá nan meter pa sigui haña koriente. Segun informashon risibí, tin hopi persona ku ya a keda sin koriente na nan kas pa motibu ku nan saldo a kaba durante e interupshon.
E kompania a bisa ku personanan ku ta enfrenta problema di emergensia òf ku a keda sin koreinte por kontaktá e servisio di interupshon na 7016215 pa asistensia adishonal. Sinembargo, te ainda no a duna un indikashon kla tokante ki ora e sistema lo bolbe funshoná bèk kompletamente.
Kargando komentarionan...