Komishon Karnaval Boneiru Vibra a publiká skema tentativo pa Karnaval 2027

Kultura i Historia

Komishon Karnaval Boneiru Vibra a publiká skema tentativo pa Karnaval 2027

Pa AC 08 Oct, 2026 5 Min Lesa 5 Bishitante

Komishon Karnaval Boneiru Vibra a publiká skema tentativo pa temporada di Karnaval 2027, ku un programa di aktividat ku ta kuminsá na novèmber 2026 i ta sigui te na febrüari 2027.

Segun e programa publiká, e temporada ta habri 11 di novèmber 2026 ku apertura di Karnaval 2027, huntu ku inskripshon pa Festival di Tumba. Pa 14 di novèmber tin programá; Parada Sinti e Vibra, Ban Kaya!

Durante di desèmber 2026, e programa ta inkluí Instalashon Reina, Prins i Pancho, ku ta tuma lugá riba 6 di desèmber.

Luna di yanüari 2027 ta kontené un programa yen di aktividat, entre otro Jump-In, Happy Hour na Patio di Skal, Elekshon Reina, Prins i Pancho, Mystery Carnaval Creation i Festival di Tumba. Tambe lo tin Festival di Tumba Grandi, Festival di Tumba Hubenil, Festival di Tumba Korsou na Patio di Skal, Sip & Paint, Jump-Up KKBW, Parada di Skolnan i Marcha di Mucha i Marcha Grandi na Rincon.

Pa febrüari 2027, e skema ta inkluí Jump-In Grandinan, Salsa Masquerade, Parada di Grandinan, Teener Parade, Marcha di Mucha i Momito na Playa, i ta sera ku Marcha Grandi na Playa i Marcha di Despedida Grandi riba 9 di febrüari.

Vibra ta un Komishon Karnaval Boneiru ta un organisashon nobo ku ta enfoká riba organisashon, koordinashon i desaroyo di Karnaval di Boneiru. E komishon ta traha huntu ku gruponan di karnaval, músikonan, artistanan, boluntarionan, partnernan i instansianan envolví pa organisá un temporada di karnaval ku ta bon strukturá, sigur i yen di ambiente.

Segun e organisashon, su meta ta pa sigui fortalesé Karnaval di Boneiru, duna espasio na talento lokal i mantené tradishon i kultura bibu pa generashonnan futuro.

E programa ta un skema tentativo, loke ta nifiká ku fecha i aktividatnan por kambia.