Konseho Insular di Boneiru a aproba2 unánimemente un moshon ku ta pidi pa tuma medidaurgente pa enfrentá subida di kosto di koriente i duna sosten finansiero durante e periodo di transishon, mientras ta traha riba solushon mas duradero pa e situashon energetiko di Boneiru.

Durante reunion públiko di 1 di sèptèmber, Konseho Insular a tene e debate nesesario ku Kolegio Ehekutivo tokante e posibilidatnan pa trese solushonnan pa e situashon energetiko aktual na Boneiru.

Advertisement

Segun e moshon, Kolegio Ehekutivo a keda instruí pa investigá kon por yega na e $6 mion nesesario pa kubri gastunan di energia pa periodo di sèptèmber te ku desèmber 2026. Kolegio Ehekutivo mester informa Konseho Insular tokante e resultado di e investigashon, mientras ku e trabou pa solushonnan duradero pa e situashon energetiko di largo plaso ta sigui.

E moshon ta instruí Kolegio Ehekutivo pa aserka tambe ministerionan responsabel i Tweede Kamer pa buska sosten finansiero pa kubri kosto di produkshon di koriente durante un periodo transitorio, mientras ta buskando solushonnan mas duradero.

Ademas, Kolegio Ehekutivo mester krea un fondo ekstra pa amplia trabounan di konsientisashon den komunidat tokante uso konsiente di koriente.

E moshon ta pidi pa e departamentunan korespondiente monitoria preisnan di koriente riba merkado i hasi kòntròlnan nesesario.

Kolegio Ehekutivo a keda instruí pa duna Konseho Insular un relato tokante resultado di e medidanan dentro di seis siman.

E moshon a keda aprobá unánimemente pa Konseho Insular.