Papiamentu
Outoridatnan ta hasi un yamada na doño di un vehíkulo ku ta stashoná pa basta tempu riba kaminda públiko na Playa Pariba pa kita e outo den un periodo di shete dia.
Ta trata di un outo koló shinishi kla, di marka Hyundai i10, ku no tin plachi di number. E vehíkulo ta stashoná na e krusada T ku ta konektá Kaya Noorwega i Kaya Inglatera. Segun outoridatnan, e situashon ta forma un riesgo pa seguridat di tráfiko den e área.
Doño di e vehíkulo ta wòrdu supliká pa kita e outo dentro di shete dia despues di publikashon di aviso. Si no tuma akshon den e periodo indiká, outoridatnan lo laga kita e vehíkulo riba kosto di doño.
Pa mas informashon, por tuma kontakto ku polis di bario Jorge Wanga na number +599 795-2566.
Advertisement
Kargando komentarionan...