Mas ku 600 alumno di Scholengemeenschap Bonaire (SGB) a partisipá den akshon di konsientisashon “For di Gara 1.0”, ku a tuma lugá djabierne 21 di ougùstùs 2026. E akshon tabata enfoká riba influensia i eksplotashon kriminal bou di hóbennan.

Segun e organisadónan, eksplotashon kriminal por kuminsá ku situashonnan ku na promé bista ta parse inosente. Durante e programa, alumnonan a keda informá tokante manera ku personanan por hasi mal uso di deseo, nesesidat òf vulnerabilidat di otro hende.

Advertisement

Despues di e seshon di informashon, dos eksperto di eksperensia huntu ku diferente partner den e kadena a repartí material informativo riba tereno di skol. Tambe nan a papia ku alumnonan tokante e tema i tokante yudansa ora nan ta sinti ku algu no ta bon.

E organisadónan ta enfatisá e importansia di papia tokante e tema na kas i den otro ambiente sosial. Hóbennan ku ta sinti nan mes preokupá òf ku tin pregunta por buska sosten serka personanan di konfiansa òf institushonnan di yudansa.

“For di Gara 1.0” ta parti di e programa anual tokante trafikashon i kontrabanda di hende. E inisiativa ta un kolaborashon entre Ministerio di Hustisia i Seguridat, RIEC CN, IND, JICN, KPCN i Scholengemeenschap Bonaire.