Bonaire International Airport N.V. (BIA) a nombrá Sra. Miroslava I. Wedervoort, MSc komo miembro nobo di su Hunta di Komisario. Su nombramentu a wordu aprobá dor di e Reunion General di Akshonistanan 8 di yüli 2026 pa un periodo di tres aña.

Ku e nombramentu aki, e Hunta di Komisario ta ekspandé na kuater miembro, fortalesiendo ku si eksperensia den e áreanan komersial i finansiero. E ekspanshon ta segun siguiente fase di desaroyo di BIA, den kua e aeropuerto ta enfoká riba mantené operashonnan sigur i konfiabel, i na mes momentu tempu prepará pa desaroyo futuro.

Durante añanan benidero, BIA lo sigui traha riba desaroyo di aktividatnan komersial, ekspanshon di ruta, desaroyo di propiedat, konseshonnan i kreashon di balor sostenibel.

Sra. Wedervoort tin mas ku kuarenta aña di eksperensia den sektor bankario i finansiero, den funshonnan tantu ehékutivo komo di supervishon. Aktualmente e ta Presidente di Fair Trade Authority Curaçao i miembro di Hunta di Supervishon di Banko Sentral di Kòrsou i Sint Maarten. Anteriormente el a fungi komo Presidente di Kontraloria General di Kòrsou. Su eksperensia ta inkluí strategia komersial, maneho di invershon, maneho di riesgo i gobernashon.

Segun presidente di Hunta di Komisario, sr. Angel Bermudez, e nombramentu ta kontribuí na fortalesimentu di e Hunta pa siguiente fase di desaroyo di Bonaire International Airport.

Advertisement