Papiamentu
Un situashon inaseptabel a keda denunsia pa Shairo Olena beheerder di vèlt pariba na Rincon, kaminda ku instansia òf personanan ta tirando mondongo di bestia morto kantu di e kaminda di tera serka di e vèlt di futbòl. E akto aki ta kousa frustrashon i preokupashon di bisiña i usuarionan di e vèlt.
Ademas, e kaya di tera aki ta hopi skur durante anochi, peatonnan i hóbennan ta usa e ruta aki debí ku e kaya prinsipal ta peligroso pa motibu di outonan ku ta kore velosidat altu.
Bisiñanan un biaha mas ta hasi un yamada urgente na instansianan konserní pa tuma akshon mesora. Ta pidi pa:
- Limpia i kita e restu di animalnan for di sitio.
- Tuma medida pa desinfektá i spùit algu pa kita e holo fuerte i tambe pa kore ku e muskanan.
- Instalá por lo ménos dos lus solar pa pèrkurá pa mas iluminashon i siguridat durante anochi.
Habitantenan ta spera ku lo tin un solushon lihé promé ku skol i aktividatnan regular kuminsá bek den e próksimo luna, pa asina e muchanan por transitá sin ningun tipo di riesgo pa nan salú òf siguridat.
Kargando komentarionan...