Papiamentu
Durante fin di siman, polis a risibí varios notifikashon di destrukshon entre Kaya Internashonal i aeropuerto.
Na e lugá, varios motorista a raportá daño na nan vehíkulo despues ku piedra a keda tirá riba nan outo mientras ku nan tabata pasando. Segun informashon risibí, destrukshonnan a keda kometí pa hóbennan ku tabata skonde den mondi banda di kaminda.
Polis a tuma keho di e víktimanan i a kuminsá un investigashon pa determiná ken ta responsabel pa e aktonan di vandalismo.
Kuerpo Polisial Hulandes Karibense (KPCN) ta hasi un yamada na tur persona ku por a mira algu sospechoso òf ku tin grabashonnan di kámara den e área pa tuma kontakto via 715-8000 òf anonimemente via e liña di tep 9310.
Polis ta hasi un yamada urgente tambe na mayornan i kuidadónan pa papia ku nan yu(nan) tokante e riesgonan i konsekuensianan di tira piedra riba vehíkulo. E orarionan ku esaki ta sosodé no ta normal pa un menor di edat ta riba kaya sin supervishon di un adulto. Tambe ta pidi mayornan insistentemente pa puntra nan yunan si nan ta enbolbí den esaki i, si esei ta e kaso, pa mèldu na warda di polis. Mayornan, ta na altura di unda bo yu(nan) ta i papia ku nan tokante nan komportashon.
Kargando komentarionan...