Papiamentu
Durante dianan ku a pasa, Kuerpo Polisial Karibense di Hulanda (KPCN), ku asistensia di un kachó di Duana, a realisá kòntròlnan di listramentu preventivo na diferente lokalidat di Boneiru.
Durante e operashonnan, outoridatnan a konfiská supstansianan ku ta sospechá di ta narkótiko, munishon i arma blanku. Ademas, un bròmer a keda hibachi na warda di polis pa motibu di iregularidatnan ku e dokumentashon di e vehíkulo.
Segun informashon di KPCN, dos persona a keda detení den kuadro di e kontrolnan. E detenshonnan ta relashoná ku violashon di Lei di Arma di Kandela BES i Lei di Opio BES.
KPCN ta rekordá komunidat ku, den áreanan di riesgo designá, polis tin outorisashon pa realisá listramentu di personanan sin ku mester tin sospecho konkreto di un delito.
Polis ta enfatisa ku nengá di koperá ku un kòntròl preventivo por resultá den detenshon.
KPCN ta indiká ku e kòntròlnan preventivo lo sigui na diferente lokalidat, komo parti di su esfuersonan pa mantené seguridat i garantisá kumplimentu di lei na Boneiru.
Kargando komentarionan...