Papiamentu
Polis a intervení den dos insidente separá na un skol riba Kaya Frater Odulfinus despues ku a topa alumnonan ku ophetonan ku por representá un riesgo pa seguridat.
Djamars 25 di ougùstùs, alrededor di 12:00 p.m., polis a risibí un notifikashon ku a topa un alumno ku un opheto skèrpi den su tas. Na yegada di polis, a resultá ku e opheto tabata un kuchú di kushina. Dosentenan di e skol a konfiská e kuchú promé ku polis a yega. Polis a tene un kòmbersashon severo ku e alumno tokante seriedat di e situashon.
Tres dia despues, riba djabièrnè 28 di ougùstùs, alrededor di 8:20 a.m., polis a risibí otro notifikashon for di e mesun skol. E biaha aki, a topa un opheto ku tabata parse un arma di kandela serka un alumno. E opheto a wordu konfiská inmediatamente i polis a tene un kòmbersashon severo ku e alumno inbolukrá.
Kargando komentarionan...