Papiamentu
Un biaha mas e situashon di shushi na playanan di Boneiru ta kousa preokupashon. Wikènt tras di lomba, turista i siudadanonan mes a disidí di piki i limpia Te Amo Beach despues di a konstatá ku e sitio tabata yen di bleki i plèstik benta abou.
E akshon di bishitantenan ta pone falta di mantenshon struktural den spotlight. Tantísimo siudadano komo turistanan ta hasi un yamada urgente na Gobernantenan pa bini ku mihó solushon i mantenshon pa e konteinernan di shushi. Esaki ta nesesario pa evitá ku burikunan ta yega na e shushi, plam'é i tambe pa garantisá ku e playa ta keda den un ambiente limpi i safe pa tur hende.
Mirando e nesesidat aki, Janga ta hasi un yamada públiko na Gobièrnu (Kolegio Ehekutivo) pa atendé i aprobá nan petishon ofisial pa kontrato di kuido, limpiesa i mantenshon di playanan. Segun e representante di UMN Services, un asignashon di e tipo aki lo garantisá kòntròl i limpiesa regular pa mantené playanan di Boneiru semper bunita, safe i den e mihó estado posibel.
Kargando komentarionan...