Papiamentu
Frakshon di Union Patriotiko Boneiru (UPB) a reakshoná ofisialmente riba dos karta ku a wordu manda pa Movementu di Pueblo Boneiriano (MPB) fechá 6 di yüli 2026 i 13 di yüli 2026.
Den un karta dirigí na lider di frakshon di MPB, Sr. Hennyson Thielman, UPB a konfirmá ku nan a risibí tur dos komunikashon. Segun UPB, nan tabata sperando ku MPB lo tuma kontakto direktamente pa medio di un yamada, mensahe via WhatsApp òf un reunion personal, na lugá di komuniká pa medio di karta.
UPB ta señalá ku durante tempu nan a insistí pa MPB sinta na mesa pa dialogo, pero ku MPB a skohe pa komuniká prinsipalmente pa medio di karta i medianan sosial.
Den su reakshon, UPB ta enfatisá ku su lidernan i personahenan prinsipal semper ta disponibel pa tur miembro di koalishon, manera tambe pa pueblo Boneiriano. E partido a agregá ku tres luna pasá nan mes a tuma e inisiativa pa aserká miembronan di koalishon pa deliberá tokante diferente asuntu polítiko.
UPB ta indiká ku Sr. Thielman por aserká e frakshon libremente pa un kombersashon direkto, manera ku UPB a hasi anteriormente ku otro miembronan di koalishon.
Ku e deklarashon aki, UPB ta reafirmá su deseo pa mantené dialogo i komunikashon habrí entre partnernan di koalishon.
Kargando komentarionan...