Papiamentu
Un delegashon di kuater kolaboradó di Fundashon Forma a sali den fin di siman pa Bélgika pa un biahe di estudio den kuadro di e proyekto di Erasmus+ 'Professionalizing Fundashon Forma Teachers Through Job Shadowing and Training'.
E proyekto ta enfoká riba desaroyo di abilidatnan digital di e personal di Fundashon Forma, ku e meta pa nan por apoyá studiante i kliente den desaroyo di nan propio abilidatnan digital.
Durante e biahe, e delegashon lo eksplorá programa i instrumento digital ku por usa den enseñansa, i evaluá kon por adaptánan na e situashon di Boneiru. Tambe lo interkambiá informashon tokante e sistema di enseñansa i kultura di Bélgika, i kompartí informashon tokante Boneiru i enseñansa na Fundashon Forma.
Erasmus+ ta un programa di Union Europeo ku ta apoyá interkambio i koperashon den enseñansa, deporte i hubentut. E biahe pa Bélgika ta parti di un proyekto finansiá ku fondo di Union Europeo.
Na aprel di e aña aki, un delegashon di Fundashon Forma a bishitá Belgrado, Serbia, den kuadro di e mesun proyekto.
Kargando komentarionan...