Epidemia di Ebola na Repúblika Demokrátiko di Congo ta birando mas preokupante. Segun datonan resien, mas ku 5.200 kaso a keda registrá, miéntras aproksimadamente 2.476 persona a pèrdè nan bida. Esaki ta hasi e virus aki e sun mas mortal den historia di Congo (CDC).

E outbreak a kuminsá ofisialmente na mei 2026 den provinsia di Ituri, den parti Nòrt di e pais. E ta wòrdu kousa pa e Bundibugyo virus, un variante di Ebola pa kual aktualmente no tin bakuna ni tratamentu aprobá p'é.

Organisashon Mundial di Salu (WHO) ta alertá ku e virus ta ekspandé su mes na un ritmo eksepshonalmente rápido. E situashon ta birando mas difísil pa kontrolá pa motibu di infrastruktura médiko debil, distansia entre komunidatnan, konflikto armá i difikultat pa identifiká i sigui kontakto di personanan infektá. 

Komo parti di e esfuerso pa kontrolá e epidemia, World Health Organization a asigná 70.000 dosis di e bakuna Ervebo pa Congo. Di e kantidat aki, 50.000 dosis ta ser destiná pa personal mediko i otro trahadónan den promé liña, miéntras sobra 20.000 lo wòrdu usa den un estudio klíniko pa investigá si e bakuna por duna protekshon kontra e Bundibugyo virus.

World Health Organization i Repúblika Demokrátiko di Congo ta pidi pa un akshon internashonal urgente pa evitá ku e virus sigui propagá, miéntras outoridatnan den Congo ta intensifiká vigilansia, tèstmentu, karentena i siguimentu di kontakto. 

E situashon ta keda serio, i outoridatnan di salu ta avisá ku rapides ta krusial pa evitá ku e epidemia ta bira un crisis ainda mas grandi.

Advertisement