Federashon Futbòl Kòrsou (FFK) a presentá ofisialmente e uniform nobo ku e selekshon nashonal de futbòl lo bai bisti den e próksimo weganan internashonal. E lansamentu a keda kompañá pa un video inovativo ku ta resaltá e orguyo i e identidat kultural di e isla.

E diseño di e uniform nobo aki tin un nifikashon profundo tras di dje. Segun FFK, e kolónan outéntiko ta representá bunitesa i e esensia di Kòrsou, miéntras ku e detayenan di e olanan riba e kamisa ta konta e historia di e isla na mundu henter. E símbolo aki ta para pa e determinashon i fortalesa ku ta karakterisá e pueblo i e futbolistanan kurasoleño riba tereno.

Ku e uniform aki, e selekshon no solamente ta buska pa bria den e próksimo partidonan, sino tambe pa karga e nòmber di Kòrsou ku dignidat i duna un bista visual pa un identidat uní. Pa siguidónan i fanátikonan di e selekshon ku ke bisti e kolónan nashonal i mustra nan outoridat i sosten, e uniform nobo ya kaba ta disponibel pa kumpra.

Por atkerí e paña ofisial di e siguiente dos formanan:

- Na e FFK-Fanshop situá den sentro komersial Sambil.

- Via di e wèpsait ofisial di e tienda: https://ffk-shop.com.

Partisiapashon di Kòrsou den Kopa Mundial ta marka inisio di un kapítulo nobo pa futbòl lokal, kaminda bista ta dirigí riba e próksimo retonan deportivo i e unifikashon di e pueblo rònt di su selekshon.

Advertisement