Papiamentu
FIFA i Adidas a presentá TRIONDA FINAL Official Match Ball, e bala ofisial ku lo wòrdu usá eksklusivamente durante último kuater wega di Mundial FIFA 2026.
E bala lo wòrdu usá den e dos partidonan semifinal, e wega pa terser lugá i den final. Esaki ta un edishon spesial di e bala TRIONDA ku a wòrdu usá durante henter e torneo.
Segun FIFA, TRIONDA FINAL tin un diseño kolo blanku, pretu i oro, ku aksentuahe kòrá. E diseño ta hasi referensia na 16 siudat anfitrion di e Mundial, ku enfoke spesial riba Dallas, Atlanta, Miami i New York/New Jersey, kaminda lo hunga e último kuater partidonan di e torneo.
E bala ta mantené e mesun konstrukshon i teknologia manera e bala ofisial usá durante di e Mundial. Esaki ta inkluí Adidas su Connected Ball Technology, ku ta suministrá dato den tempu real pa yuda refrínan, i duna sosten na e sistema di VAR i teknologia di fuera di wega semi-automátiko.
Ku introdukshon di TRIONDA FINAL, Adidas ta sigui su kustumber di lansá un bala ofisial spesial pa e fase final di e torneo internashonal, sin kambia karakterístikanan di rendimentu di e bala.
Semi final di Mundial FIFA 2026 ta programá pa 14 i 15 di yüli, siguí pa e wega pa terser lugá riba 18 di yüli i final riba 19 di yüli.
Kargando komentarionan...