Bishita di e Presidente di Merka Donald Trump na China, ku lo dura dos dia (14 i 15 di mei 2026), ta keda mirá pa mundu henter komo un esfuerso krítiko pa baha tenshonnan polítiko i ekonómiko ku ta afektando tur pais.

E meta number unu di Trump ta pa kaba di finalisá e asina yamá "tregua komersial". Merka ke pa China hasi kompromiso grandi asina Merka i China por kumpra produkto di otro. Puntonan mas prinsipal ta pa Merka kumpra kantidatnan enorme di soya i karni pa yuda kunukeronan merikano. Otro banda china tin oportunidat di drenta akuerdo pa China kumpra kantidat grandi di avion di e kompania Boeing.

Tambe Merka ke pa huntu nan establesé reglanan nobo pa kompetensia di Inteligensia Artifisial i seguridat digital konhuntamente. Otro banda China ke pa Merka baha e tarifanan i kita restrikshonnan riba kompanianan chines di outo eléktriko manera BYD i teknologia.

E enkuentro aki entre e dos potensia mundial aki por tin efektonan positivo pa krísisnan ku nos ta bibando awor akí manera skarsedat di petroli i gas debí na guera. Si Trump i Xi yega na un koperashon, China por usa su influensia pa purba habri e Strait of Hormuz bèk. Esaki lo pone ku preis di gasolin i energia lo por baha rònt mundu. Tambe un "deal" eksitoso lo duna stabilidat na e kadena di suministro, loke lo por frena subida di preis di produktonan den supermerkadonan i den konstrukshon.

Por ultimo un punto importante riba agènda ta e idea di un akuerdo trilateral (Merka, China i Rusia) pa kontrolá armanan nuklear. Si logra avansá den esaki, e peliger di un konflikto mundial grandi lo mengua signifikativamente.

Maske no ta spera un "milager" kaminda tur problema ta keda solushoná mesora, e echo ku e dos lidernan lo papia personal, ta duna mundu speransa pa un futuro mas sigur i ménos violento.

Advertisement