Papiamentu
Entrante 28 di sèptèmber te ku 9 di òktober, Kuerpo di Bombero Hulanda Karibense (BKCN) lo ta èkstra visibel na Boneiru debí na vários ehersisio di práktika ku ta parti di e kurso pa shofùr di bombero.
E ehersisionan lo tin partisipantenan di Boneiru, Sint Eustatius i Saba, ku lo traha riba nan kapasidat pa manehá vehíkulonan di bombero di un manera seif i responsabel.
Durante e periodo aki, BKCN lo hasi uso regularmente di lusnan di emergensia i sirenanan. Esaki ta nifiká ku por tin vehíkulonan di bombero i diferente situashon di práktika visibel den varios besindario.
E ehersisionan lo tuma lugá di djaluna te ku djabièrnè, entre 08:00 di mainta i 17:00 di atardi.
BKCN ta pidi tur usuario di karetera, asina tambe e hendenan ku ta biba den besindarionan kaminda e práktika ta tuma lugá, pa tene kuenta ku e ehersisionan i sigui instrukshonnan ku ta duna.
Ora usuario di karetera nota señalnan visual i auditivo di emergensia durante ehersisionan, BKCN ta pidi nan pa reakshoná riba nan manera normal, meskos ku nan lo hasi durante un situashon di emergensia real.
Kargando komentarionan...