Energia Energia

Revistanan ta kubri diferente topiko, inkluyendo pero sin limitá moda, estilo di bida, salú, polítika, negoshi, entretenimentu, deporte, siensia.

Gobernashon i Polítika

Kingdom Summit: E kuater paisnan di Reino ta definí prioridatnan pa mas kolaborashon

Pa AC 20 Nov, 2026 5 Min Lesa 89 Bishitante
Kingdom Summit: E kuater paisnan di Reino ta definí prioridatnan pa mas kolaborashon

E kuater paisnan di Reino di Hulanda a akordá pa fortalesé nan kolaborashon i traha riba akuerdonan konkreto ku por benefisiá siudadanonan. E akuerdo a sali for di e promé Kingdom Summit, ku a tuma lugá dia 17 i 18 di novèmber na Sint Maarten.

Durante e reunion, lidernan a papia riba diferente tema, entre otro prosperidat, desaroyo ekonómiko, seguridat, seguridat sosial i retenshon di talento pa e merkado laboral den e paisnan Karibense.

NTBDN Banner number 2

Na final di e kumbre, gobièrnunan di Aruba, Kòrsou, Hulanda i Sint Maarten a firma konklushonnan den kua nan ta ekspresá e intenshon pa sigui traha riba e kolaborashon eksistente. Tambe a palabrá pa tene un Kingdom Summit anualmente. Ademas, e promé Konferensia di Reino despues di 12 aña lo tuma lugá na Kòrsou na 2027.

Prosperidat i desaroyo ekonómiko

Den e agènda di trabou, e paisnan ta pone atenshon riba kon entradanan di turismo por kontribuí mas na prosperidat general. Tambe lo eksplorá posibilidatnan pa finansia invershonnan den fasilidatnan públiko, adaptashon na kambio di klima i transishon di energia, inkluso mediante fondonan eksterno i Oropeo.

Maneho di shushi ta forma parti tambe di e agenda. E paisnan lo traha un inventario di inisiativanan eksistente i despues elaborá proposishonnan konhunto pa prosesamentu, transporte i finansiamentu di desperdisionan. Den esaki lo tene kuenta ku e sirkunstansianan spesífiko di e islanan ABC i e islanan di Barlovento.

Atenshon pa empleo i retenshon di talento

Un otro tema ta desaroyo di un ekonomia basá riba konosementu. Hulanda lo sostené e paisnan Karibense den nan esfuersonan pa atraé institutonan i empresanan hulandes ku ta aktivo den e sektor di konosementu. E meta ta pa stimulá desaroyo ekonómiko i kreá mas empleo di kalidat haltu.

Tambe lo traha riba medidanan pa stimulá studiantenan Karibense ku ta terminá nan estudio na Hulanda pa regresá na nan pais. E kuater paisnan lo kompartí eksperensia i bon práktikanan relashoná ku retenshon di talento, penshun, seguro médiko i seguridat sosial.

Kooperashon entre e kuater paisnan

Kingdom Summit ta un plataforma di konsulta entre e gobièrnunan di Aruba, Kòrsou, Hulanda i Sint Maarten, ku ta forma e kuater paisnan den Reino di Hulanda.

Durante e kumbre, kada pais a presentá su propio "State of the Nation". Den e presentashonnan, nan a trata logro i retonan di kada pais, huntu ku e oportunidatnan pa intensifiká e kolaborashon.

Ku e agènda di trabou nobo, e kuater gobièrnunan a definí diferente área kaminda nan ke profundisá kooperashon den e próksimo periodo.

Komentarionan (0)

  • Kargando komentarionan...

Laga un Komentario

Bo Imeil lo NO ser publiká. Hòkinan obligatorio ta marká ku *

Publikashon Relashoná