Energia Energia

Revistanan ta kubri diferente topiko, inkluyendo pero sin limitá moda, estilo di bida, salú, polítika, negoshi, entretenimentu, deporte, siensia.

Lokal

Ekipo Kulinario di Boneiru ta trese seis medaya kas for di kompetensia Taste of the Caribbean

Pa AC 21 Nov, 2026 5 Min Lesa 138 Bishitante
Ekipo Kulinario di Boneiru ta trese seis medaya kas for di kompetensia Taste of the Caribbean

Ekipo Kulinario di Boneiru ta selebrá un resultado ekselente na kompetensia internashonal Taste of the Caribbean na Barbados, kaminda nan a logra trese kas diferente medaya di oro, plata i brons, representando Boneiru ku orguyo riba un nivel internashonal.

E ekipo a logra e siguiente resultado:

Animal Shelter
  • Oro i titulo ganadó – Senior Chef of the Year
  • Plata – Pastry Chef of the Year
  • Plata – Bartender of the Year
  • Plata – Beef Competition
  • Brons – Seafood Competition
  • Brons – Team of the Year

E logro aki ta hasie ainda mas spesial pasobra diferente miembro di e ekipo tabata partisipando na un kompetensia internashonal pa promé biaha. Pa e ekipo, e eksperensia tabata mas ku solamente gana medaya. Tabata un oportunidat pa pone nan konosementu i abilidatnan na prueba, sali pafó di nan zona di konfort i mustra e talento kulinario di Boneiru na un plataforma internashonal.

Ekipo Kulinario di Boneiru ta ekspresá nan orguyo pa tur partisipante ku a tuma e reto, a duna nan mihó esfuerso i a representá Boneiru ku dedikashon. 

Ekipo kulinario ta yega bèk Boneiru

Despues di nan partisipashon eksitoso na Taste of the Caribbean, Ekipo Kulinario di Boneiru ta yega kas djasabra 21 di novèmber. Komunidat ta invitá pa bin duna nan un bon biní bèk na kas pa nan esfuerso, dedikashon i resultado ekselente. E yegada ta planiá pa 17:30.

Ku e medayanan ku nan a logra i e orguyo ku nan ta trese kas, Ekipo Kulinario di Boneiru a mustra un biaha mas ku talento, pashon i dedikashon ta pone Boneiru riba mapa internashonal.


Komentarionan (0)

  • Kargando komentarionan...

Laga un Komentario

Bo Imeil lo NO ser publiká. Hòkinan obligatorio ta marká ku *

Publikashon Relashoná