Papiamentu
Polis ta investigando dos diferente kaso di kiebro na Boneiru, den kua deskonosínan a hòrta dos pikòp di marka Toyota Hilux. Un di e vehíkulonan, propiedat di 123 Car Rental, posteriormente a wòrdu hañá na kandela.
Djaluna 11 di mei, a drenta un keho di kiebro na un garashi situá na Kaya Nikiboko Nort. Segun informashon inisial, den oranan di mardugá di djadumingu 10 di mei, deskonosínan a haña akseso na e tereno i a bai ku diferente kos, entre otro un mashin di laba outo i un pikòp blanku di marka Toyota Hilux sin plachi di number. E kaso ta bou di invistigashon.
Tambe djasabra 9 di mei, a drenta un keho di kiebro na 123 Car Rental, situá na Kaya Industria Pariba. Durante oranan di mardugá, deskonosínan a drenta den e negoshi i a hòrta kuater iPad, un kaha fuerte ku diferente yabi di outo i sèn kèsh. Ademas, nan a bai ku un pikòp Toyota Hilux ku plachi di number V-6915.
Kargando komentarionan...