Papiamentu
Djabièrnè 17 di aprel 2026 polis a atendé dos insidente separá: un aksidente di tráfiko ku herido i un kiebro den un establesimentu di hóreka.
Aksidente entre outo i skuter
Alrededor di 8’or di mainta, ‘meldkamer’ sentral a risibí un yamada tokante un aksidente riba E.E.G. Bulevar. Na yegada di polis, a resultá ku tabata trata di un kolishon entre un outo i un skuter. Shofùr di e skuter a resultá heridá i ambulans a transport’é pa hòspital pa haña tratamentu médiko. A hasi un tèst di supla ku shofùr di e outo, ku a mustra ku no tabatin uso di alkohòl. Pa motibu di prioridat médiko, no a por a hasi e mes tèst ku shofùr di e skuter. Durante kontrol, polis a konstata ku shofùr di e outo no tabatin un reibeweis bálido, i a haña un but.
Kiebro na establesimentu di hóreka
Mas tempran awe, 17 di aprel, polis a risibí un keho di kiebro i ladronisia na un establesimentu di hóreka situá na Kaya Nikita. Segun informashon preliminar, persona(nan) deskonosí a haña akseso na e edifisio i a listra den e lugá. Ta sospechá ku nan a bai ku prinsipalmente bebida. Polis ta kontinuá ku investigashon pa determiná kiko eksaktamente a sosodé i ken ta responsabel.
Kargando komentarionan...