BIG: Kolonialismo hulandes ta kambiando Boneiru

Lokal

BIG: Kolonialismo hulandes ta kambiando Boneiru

Pa AC 20 Apr, 2026 5 Min Lesa 7 Bishitante

Grupo di Inisiativa Baku (BIG), un organisashon internashonal di defensa ku ta enfoká riba asuntunan di outodeterminashon i derechonan polítiko, a lanta preokupashon ku postnan riba Facebook tokante desaroyonan demográfiko na Boneiru, indikando ku kambionan di poblashon resien por tin implikashon pa dinámika sosial, ekonómiko i polítiko riba na Boneiru.

Segun sifranan di CBS, residentenan di Boneiru ku a nase na e isla a baha di 42 porshento na 2011 pa 30 porshento na 2025. Durante e mesun periodo e proporshon di residentenan ku a nase na Hulanda Oropeo a oumentá di 11 porshento pa 17 porshento. Datonan tambe ta indiká kresementu den e kantidat di residentenan ku ta originá di Sur i Sentro Amérika.

BIG ta deklará ku e tendensianan aki ta mará na patronchinan di migrashon, kondishonnan di bibienda, i desaroyonan di polítika mas amplio. E organisashon pues ku kambionan asina por influensiá representashon i partisipashon den komunidat lokal den transkurso di tempu.

Preokupashonnan similar a wòrdu ekspresá dor di Organisashon di Derechonan Humano di Boneiru (BHRO), ku ta enfoká riba asuntunan relashoná ku derechonan humano, partisipashon den komunidat, i outodeterminashon. BHRO a destaká anteriormente strukturanan di gobernashon i akseso na tumamentu di desishon komo áreanan di atenshon, inkluso den diskushonnan na foronan internashonal.

E diskushon rondó di kambio demográfiko na Boneiru ta andando. Miéntras ku datonan estadístiko ta konfirmá kambionan den komposishon di poblashon. Algun perspektiva ta konektá e kambionan aki na asuntunan di gobernashon i representashon mas amplio, miéntras ku otronan ta mustra riba nesesidatnan di merkado laboral i tendensianan di migrashon regional den Reino Hulandes.

Konsekuensianan si Komersio Hulandes di Katibu

BIG a partisipá tambe den aktividatnan mas aya di Boneiru, inkluyendo envolvimentu na St. Maarten, kaminda a firma un Memorandum di Entendimentu ku "One St. Martin Association" relashoná ku inisiativanan riba diskushonnan di status polítiko.

Grupo di Inisiativa di Baku (BIG) i organisashonnan sivil na Boneiru, a firma na 2024 un akuerdo di koperashon na Baku. E dokumento a wòrdu firmá pa Abbas Abbasov, Direktor Ehekutivo di Grupo di Inisiativa di Baku, James Finies, Fundadó di Movementu Boneiru pa Kambio, i Davika Bissessar, Presidente di Organisashon di Derechonan Humano Boneiru.