Papiamentu
Barracudas Bonaire a partisipá den torneo di Beach Waterpolo ku a tuma lugá di 1 te ku 3 di mei na Piscadera, Kòrsou. Durante e evento, timnan di Kòrsou, Hulanda i Boneiru a kompetí kontra otro den diferente kategoria.
E tim di damas a kaba na di 2do lugá den un grupo di sinku tim, mientras ku e tim di hòmbernan a finalisá na di 3er lugá entre ocho tim partisipante.
Segun e organisashon di e klub, e torneo tabata den un ambiente deportivo i amistoso. Barracudas Bonaire a gradisí e organisadónan, fanatikadanan i tur tim partisipante pa nan kontribushon na e evento.
Barracudas ta buskando mas atleta
Barracudas Bonaire a informá ku nan ta buskando mas atleta pa uni ku e tim. Entrenamentu ta tuma lugá riba djámars, djaweps i djasabra dilanti Parke Tului.
Meta di e klub ta pa sigui desarroyá e deporte na Boneiru i traha un tim kompleto ku por partiaipá den kompetensianan internashonal den futuro.
Kargando komentarionan...