Papiamentu
E gran final di e Torneo Pre-Mundial Pony Caribbean Zone (Mustang U10) ta kompletamente kla. E selekshon lokal di Boneiru a duna un demostrashon fuertísimo den semi-final i lo enfrentá e ekipo di Venezuela pa e título regional i e boleto pa e Mundial na Merka.
Den e promé partido di semi final, e ekipo di Venezuela a bishitá e wega ku un fòrsa defensivo i picheo espektakular, logrando un viktoria di 5-1 riba e selekshon di Santo Domingo. E dominikanonan a bringa te final pero nan no por a frena e ofensiva Venezuela.
Den e di dos wega di semi final, e selekshon di Boneiru a lanta e públiko na Jossy Boekhoudt for di nan asiento ku un ofensiva ku kantidat di bataso fuerte. E tim lokal a pika dilanti i a duna Panama un derota doloroso ku un skor di 11-4. Ku e viktoria aki e ekipo di Boneiru ta mustra ku nan ta den un kondishon espektakular i determiná pa hasi lo máksimo pa e kopa keda Boneiru.
Ku e resultadonan aki, e esenario ta kla pa e bataya final. Boneiru kontra Venezuela lo tuma lugá na Jossy Boekhoudt Ballpark djaluna 18 di mei 4:30pm.
E kampion di e partido aki lo no solamente titulá komo e mihó di e zona, sino lo risibí e derecho pa representá henter e region di Karibe den e próksimo Mundial di Pony U10 (World Series)
Kargando komentarionan...