Papiamentu
Awe, 19 di aprel, durante e di 44 edishon di kontèst di fli na Boneiru, partisipantenan lo hasi un intento ambisioso pa pone un rekòrt nobo di subi fli den region. E reto prinsipal ta pa hisa un fli mas grandi ku e fli di 49.9 meter ku a bira konosí na Kòrsou, i asina superá e titulo di fli mas grandi subí na islanan ABC.
Segun organisadónan, e fli lo subi awe ku un largura di mas ku 50 meter. Ademas, e reto no ta solamente na grandura: e meta ta pa mantené e fli stabil den laira na un altura di mas ku 25 meter pa un periodo mínimo di tres minüt. Si esaki logra, lo nifiká ku Boneiru ta logra superá e logro anterior asosiá ku isla bisiña.
E evento di awe ta forma parti di un kompetensia mas amplio kaminda kreatividat, tèknik i kontrol di bientu ta hunga un ròl importante. Organisadónan ta indiká ku tur preparashonnan a tuma luga pa sigurá ku e intento ta bai di un manera sigur i organisá, teniendo kuenta ku kondishonnan di bientu ku lo ta esensial.
Mas detaye riba e resultado di e intento lo sigui despues di e evento awe.
Kargando komentarionan...