Boneiru ta logra dos medaya di bròns na kampionato Internashonal di karate na Chile

Deporte

Boneiru ta logra dos medaya di bròns na kampionato Internashonal di karate na Chile

Pa AC 19 Aug, 2026 5 Min Lesa 69 Bishitante

Organisashon BonKarate a logra dos medaya di bròns durante Kampionato Panamerikano i Sudamerikano di Karate i Kickboxing, ku a tuma lugá na Olmué, Chile.

E atletanan Everon Vrutaal i Jeronimo Lont a representá Boneiru den e kompetensia internashonal. Vrutaal a terminá na di tres lugá den e Kampionato Panamerikano Senior, logrando un medaya di bròns, miéntras ku Lont a keda di tres den e Kampionato Sudamerikano, tambe ganando un medaya di bròns.

E delegashon di Boneiru, liderá pa Sensei Peter Silberie, a biaha pa Chile riba 11 di ougùstùs. Riba 12 di ougùstùs a tuma lugá e proseso di inskripshon i pisamentu di e atletanan. Riba mes dia, Silberie a representá Boneiru durante reunion general di WAKO (World Association of Kickboxing Organizations).

E kampionato a kuminsá riba 13 di ougùstùs ku partisipashon di atletanan di diferente pais. Segun BonKarate, e atletanan boneriano a partisipá den varios kombate durante e torneo.

E evento a sera riba 15 di ougùstùs ku e finalnan i e seremonia ofisial di entrega di premio.