Papiamentu
For di desèmber 2025, Entidat Públiko Boneiru (EPB) a kuminsá ku desaroyo di un Canon di Boneiru. E proyekto ta parti di Agènda di akshon Pasado di Sklabitut i ta keda bou di direktorado Komunidat i Kuido.
E Canon lo bira un liña di tempu moderno ku ta mustra historia i kultura di Boneiru. Den dje lo tin akontesimentunan importante, personanan, lugánan, edifisionan, musik i tradishonnan. Tur esaki lo keda presentá den forma di ‘bentanan’, ku kada un ta representá un parti di historia di e isla.
E meta di e Canon ta pa hasi historia i kultura mas kla i aksesibel, spesialmente pa hóbennan di Boneiru, pa nan por siña konosé nan orígen i identidat.
Pa realisá e proyekto, EPB ta traha huntu ku skolnan, museo, organisashonnan di patrimonio i otro gruponan den komunidat. Tambe, komunidat i ekspertonan lokal lo partisipá den selekshon i elaborashon di kontenido.
Durante periodo benidero lo tin diferente enkuentro pa komunidat por kontribuí. E promé evento ta planiá 17 di mei na Fontein.
Kargando komentarionan...