Direktorado di Planifikashon i Desaroyo (R&O) a muda pa un lokalidat nobo. For di djaluna 10 di ougùstùs 2026, e direktorado lo ta atendiendo públiko na Kaya Amsterdam s/n, na e promé piso, banda di biblioteka.

Siudadanonan por akudí na e lokalidat nobo pa pregunta general relashoná ku e servisio di Planifikashon i Desaroyo, entre otro asuntu di tereno, èrfpagt, kadaster i otro petishon òf konsultanan ku ta kai bou di e direktorado.

Pa asuntu relashoná ku pèrmit, siudadanonan mester akudí na bali di Pèrmit na Kaya Grandi 56-58, den e edifisio di Pèrmit i Supervishon i Mantenshon di Lei (Vergunning & Toezicht en Handhaving). Aki ta atendé ku pregunta i petishonnan tokante pèrmit di konstrukshon, pèrmit di establesimentu, pèrmit di naturalesa i otro tipo di pèrmit.

Entregá i rekohé petishon, formulario, karta i otro dokumentonan pa Direktorado di Planifikashon i Desaroyo ta pasa via departamento di Pòst i Archivo. For di 15 di yüli 2026, Pòst i Archivo ta registrá tur dokumento dirigí na e direktorado.

Segun Entidat Públiko Boneiru, e método aki ta permití un registrashon sentral di dokumentonan i ta kontribuí na un servisio mas kla pa siudadanonan.

Entidat Públiko Boneiru ta pidi siudadanonan pa tene kuenta ku e adrès nobo for di 10 di ougùstùs pa tur bishita na Direktorado di Planifikashon i Desaroyo.

Advertisement