Papiamentu
Kuerpo Polisial Hulanda Karibense (KPCN) ta investigando dos kaso separá di ladronisia di baiskel eléktriko ku a tuma lugá durante fin di siman ku a pasa.
Djaluna 1 di yüni, polis a risibí keho di ladronisia di un baiskel eléktriko tipo “fatbike”. Deskonosínan a bai ku e baiskel, un Ouxi V8 Pro Max koló pretu, ku tabata stashoná na altura di Plaza Resort Bonaire riba Bulevar Julio A. Abraham.
Anteriormente, djasabra 31 di mei, un otro keho di ladronisia di un baiskel eléktriko a ser registrá. Den e kaso aki, un fatbike koló pretu, modelo V8, a keda hortá ku tabata stashoná riba un área di parker na altura di un establesimentu di hóreka na Kaminda di Lac.
Advertisement
Kargando komentarionan...