Papiamentu
Polis a detené dos shofùr durante wikènt despues ku nan a resultá positivo durante kòntròlnan di alkohòl den tráfiko.
Promé kaso a sosodé djasabra 16 di mei alrededor di 10’or di anochi, polis a detené un hòmber di inisial R.v.V., di 35 aña di edat, na Kaya Internashonal. Un patruya a para e shofùr despues di a nota komportashon sospechoso durante su maneho. Un tèst di alkohòl a mustra ku el a konsumí mas alkohòl ku ta permití pa lei. Polis a konfiská reibeweis di e sospechoso.
Den un otro kaso, djadumingu 17 di mei alrededor di 12:20 di mardugá riba Kaya Andres A. Emerenciana. Un hòmber di inisial W.M.C.Q., di 40 aña di edat, a wordu detené despues ku el tabata enbolbí den un aksidente ku solamente daño material. Durante e prosedura di “botsen is blazen”, polis a hasi un tèst di supla ku a indiká ku e sospechoso a konsumí mas alkohòl ku ta permití pa lei. Tambe a resultá ku e hòmber no tabatin un reibeweis bálido.
Den tur dos kaso, e sospechosonan a wòrdu transportá pa warda di polis pa mas investigashon i trámite legal. Nan lo a risibí un prosès-verbal.
Kargando komentarionan...