Relashoná ku e festividatnan di Dia di Rincon, Duana Hulanda Karibense a anunsiá ku nan lo intensifiká nan presensia i kontrolnan tantu den haf komo na aeropuerto di Boneiru. E despliegue aki tin komo meta pa garantisá ku tur kos ta kana na un manera sigur i sin ningun tipo di inkonbeniensia durante e temporada drùk ku ta biniendo. Pa e motibu aki, e outoridatnan ta hasi un yamada na tur biahero i transportadó pa nan ta bon prepará i kumpli ku e reglanan stipulá pa evitá retraso innesesario.

Pa loke ta trata e transportashon pa haf, tin un obligashon estrikto pa raportá yegada di e barku por lo ménos 24 ora promé. Den e kasonan kaminda tin transporte di merkansia òf transporte kontra pago, ta obligatorio pa hasi e trámitenan di entrada i salida serka un agente di duana. Pa e botonan di rekreashon, e doñonan mester perkurá pa nan raportá nan mes via e sistemanan digital Regional Clearance System òf SailClear.

Na aeropuerto, e reglanan pa deklará merkansia ta relashoná direktamente ku e balor di e artíkulonan. Pa merkansia personal ku un balor te ku $1500 dollar, por hasi un deklarashon verbal i paga e ABB korespondiente mesora. Sin embargo, si e balor ta surpasá e suma aki, ta obligatorio pa envolví un agente di duana pa e deklarashon. Pa merkansia ku meta komersial, e limitashon pa deklarashon verbal ta te ku mil dollar, i kualke suma mas altu ku esei mester keda prosesá via un agente den  sistema. 

Advertisement