Papiamentu
Durante selebrashon di Dia di Antriol, e komishon organisadó a rindi un homenage públiko na e konosido habitante Egbert Saragoza, mihó konosí komo “Wimpy”. E rekonosementu aki a ser otorgá pa su añanan di dedikashon i su aporte positivo na e bario.
E seremonia a tuma lugá den un ambiente kaminda presentenan a duna muestra di apresio pa e trabou ku Saragoza a bin ta desplegá den e komunidat di Antriol. Meta di e rekonosementu aki ta pa homenagiá personanan ku, pa medio di nan esfuerso personal, ta kontribuí na e bienestar i desaroyo di nan bario.
Despues di e anunsio, Saragoza a risibí e homenage formal inkluyendo aplouso di públiko presente. E entrega di e rekonosementu aki ta forma parti di e programa anual di Dia di Antriol, kaminda ta pone énfasis riba e balornan di e bario i su habitantenan mas destaká.
Kargando komentarionan...