Papiamentu
For di 20 te ku 27 di ougùstùs 2026, e 525 Kompania di Ehérsito Hulandes, ku ta stashoná na Kòrsou, lo ta na Boneiru pa un ehersisio militar. E meta prinsipal di e aktividat ta pa militarnan konosé Boneiru i su komunidat mas mihó, i fortalesé kolaborashon ku outoridatnan i servisionan ousiliar lokal.
Durante e ehersisio, militarnan lo trein na diferente lokalidat na Boneiru. Nan lo hasi uso di tereno i fasilidatnan di e klup di scouting na Rincon komo lugá di alohamentu temporal.
Ademas di e entrenamentunan militar, e unidat lo kontribuí tambe na diferente proyekto ku tin un karakter sosial na benefisio di komunidat lokal.
Habitante i bishitantenan por spera di mira militarnan i vehíkulonan militar na diferente sitio durante e periodo di ehersisio. Entidat Públiko Boneiru ta pidi tur hende pa tene kuenta ku e aktividatnan akí i sigui eventual instrukshon ku por keda duna na diferente lokalidat.
Segun Defensa, e ehersisio ta un oportunidat importante pa mehorá disponibilidat operashonal di e unidat militar i fortalesé e kooperashon ku outoridat i servisionan ousiliar na Boneiru.
Kargando komentarionan...