Papiamentu
Aktualmente tin un ehersisio militar ta tumando lugá na Boneiru, di e Unidatnan Militar Karibense (Caribische Militaire Eenheden – CARMIL) di Marina Real. E ehersisio ta dura te ku 21 di mei 2026 i ta enfoká riba disponibilidat operashonal, eksplorashon di tereno i kolaborashon ku partnernan lokal.
Durante e ehersisio e militarnan ta trein diferente senario ku ta kontribuí na nan disponibilidat den área karibense. Nan ta traha huntu tambe ku outoridatnan lokal i servisionan ousiliar pa fortifiká e kolaborashon i sinkronisashon mutuo mas aleu. Pa e ehersisio nan ta hasi uso di sitionan eksistente di treinen na Boneiru. Banda di esaki e tereno di e klup di scouting di Rincon ta sirbi komo sitio di kamper durante e periodo di treinen.
Defensa ta indiká ku e militarnan ku ta partisipá, na un manera kuidadoso a haña instrukshon adelantá tokante e sirkunstansianan lokal i tokante ehekushon responsabel di nan aktividatnan. Na momentu di ehekutá e ehersisio nan ta tene kuenta ku medio ambiente i ku e komunidat boneriano. Ku e ehersisio akí Defensa ta sigui invertí den un bon preparashon i disponibilidat di unidatnan militar den área karibense, di manera ku nan por aktua adekuadamente den kaso di un variedat di tarea i posibel situashonnan di emergensia.
Kargando komentarionan...