Papiamentu
BON DOET 2026 a resultá un biaha mas un gran éksito riba nos isla. Mas ku 929 boluntario a uni forsa pa ehekutá un total di 60 proyekto den diferente bario, demostrando forsa di solidaridat i union den e komunidat boneriano.
E apertura ofisial a tuma lugá dia 15 di mei na Seru Largu, den kooperashon ku Greenpeace NL. Durante e okashon aki, e koordinadó general di BON DOET, Roosje van der Hoek, a hiba palabra pa asina duna inisio na e dos dianan di trabou boluntario. Diputado di asuntunan sosial, sr. Timoteo Silberie, tambe tabata presente i a ekspresá su gradisimentu na tur e personanan ku a dediká nan tempu i energia na e kousa aki.
Durante fin di siman, diferente grupo di boluntario, hóbennan i organisashonnan sosial a traha huntu riba e programá. E aktividatnan no tabata enfoká solamente riba trabounan so, sino tambe riba kreashon di konekshon i fortifikashon di lasonan den komunidat.
Ehekushon di BON DOET ta resultado di un kolaborashon strukturá entre NGO Plataforma Boneiru i Oranje Fonds, ku e meta pa promové i stimulá trabou boluntario na Boneiru.
Kargando komentarionan...