Papiamentu
Liseo Boneriano a duna un despedida kaluroso i emoshonal na señor Frits van Gielen, un dosente di téknika pionero ku formalmente a baha ku penshun. E homenage a tuma lugá durante selebrashon di klousura di aña eskolar 2025/2026.
Señor Van Gielen ta konosí pa a laga un impskto personal i profundo den komunidat eskolar, partikularmente pa medio di e proyektonan inovativo ku el a desaroyá huntu ku su studiantenan durante di añanan. Su pashon pa e materia i su formashon a inspirá hopi hóben na Boneiru.
Durante e seremonia, Barbara Sol, direktor di unidat di Liseo Boneriano, a hiba palabra pa rindi un bunita homenage na e dosente. Sol a gradisí Frits pa su dedikashon inkansabel, su vishon i su pashon ku e la transmiti na e studiantenan.
Señor Frits no solamente a siña nos studiantenan téknika, sino tambe a mustra nan kon pa ta inovativo i traha huntu pa logra kosnan grandi.
Ku e retiro aki, Liseo Boneriano ta pèrdè un gran baluarte, pero e herensia di su proyektonan lo keda bibu den e memoria di e skol i di su alumnonan.
Kargando komentarionan...