Diputadonan di Boneiru, Jennifer Mohamedjoenoes i Dennis Martinus, a reuní ku representantenan di e organisashon di piskadó PISKABON pa trata e desaroyonan i retonan aktual den e sektor di peska riba na Boneiru.
Durante e enkuentro, ámbos partido a enfoká riba sosten pa e piskadónan, ehekushon di proyektonan i mehorashon di fasilidatnan pa boto, manera e ‘slipway’ nan. Segun gobièrnu, piskamentu ta pilá importante pa tantu e kultura komo e ekonomia di Boneiru. P’esei a para ketu na aktividatnan klave di PISKABON, manera kolokashon anual di 'Fish Aggregating Devices' (FAD’s) pa atraé piská i organisashon di kompetensianan di peska.

Diputado Dennis Martinus a enfatisá ku diálogo ta esensial indikando: “Nos ta haña importante pa sigui papia ku tur e partidonan envolví, pa asina nos por traha huntu riba un mihó futuro pa e sektor di peska na Boneiru.”
Kargando komentarionan...