Papiamentu
Relashoná ku e temblor resien na Venezuela, Entidat Públiko Boneiru (EPB) i Telbo N.V. a tuma e desishon pa hasi yamadanan for di Boneiru pa Venezuela temporalmente grátis.
E medida aki ta destiná pa yuda residentenan di Boneiru mantené kontakto ku famia, amigu i sernan kerí na Venezuela den e tempu difísil akí.
For di 26 di yüni te ku 6 di yüli 2026 pa mei anochi, tur yamada pa Venezuela for di tantu telefòn fiho komo telefòn selular lo ta grátis.
EPB a ekspresá su kombibensia ku tur persona afektá pa e temblor. Atenshon speshal ta bai na bonerianonan di desendensia venezolano i nan famianan, ku posiblemente ta biba den insertidumbre tokante situashon di nan sernan kerí na Venezuela.
Diputado Timotheo Silberie a deklará: “Ku e gesto akí, nos ke yuda famianan na Boneiru pa hustamente awor ta serka di nan sernan kerí na Venezuela.”
EPB i Telbo N.V. ta spera ku e inisiativa aki lo yuda residentenan di Boneiru pa mantené komunikashon ku nan famianan i amigunan den Venezuela durante e periodo difísil despues di temblor.
Kargando komentarionan...