Papiamentu
Gobièrnu di Boneiru ta kontinuá ku su kompromiso pa garantisá un futuro seif i protehá pa tur menor di edat na Boneiru, partisipando den reunionnan i trayektonan di Taskforce di Reino pa derecho di mucha.
Diputado Timoteo Silberie a duna detaye amplio tokante partisipashon di Gobièrnu di Boneiru den e taskforce aki. Durante su splikashon, Silberie a enfatisá ku e plannan nobo ta strukturalmente dirigí riba dos pilá fundamental: edukashon i prevenshon di abuso di mucha. E intenshon ta pa krea un base mas sólido kaminda derecho di mucha ta keda sentral den maneho gubernamental.
E meta prinsipal di e trayekto aki ta pa fortifiká kooperashon ku otro islanan den region i ku Reino Hulandes, interkambiando konosementu i strategianan. Pa medio di e kooperashon aki, Taskforce di Reino ke pèrkurá ku ta duna protekshon nesesario pa asina minimalisá kasonan di abuso di menornan di edat.
Ku e pasonan aki, Gobièrnu di Boneiru ta boga pa implementá maneho i sistemanan di pre-atenshon, ofresiendo un ambiente sano i seif kaminda hóbennan por desaroyá di un forma integral i sin peliger riba nos isla.
Kargando komentarionan...