en burger doet een oproep aan het Openbaar Lichaam Bonaire om aandacht te besteden aan de zorgwekkende situatie aan de Kaya Eva in Antriol. Despues di mas di dos dékada di problema i molèstia kontinuo, e habitantenan di e bario aki ta pidi pa e kaya di tera aki haña atenshon ku e meresé pa yega na un solushon definitivo.

Albertico Rosaria, un di e residentenan ku a disidí di ekspresá su malkontentu na nòmber di e bario, a duna detaye tokante difikultatnan ku habitantenan ta konfrontá diariamente. Segun Rosaria, e situashon na Kaya Eva a bira sumamente fèrfelu, spesialmente durante temporada di áwaseru. Ora ku awa kai, e kaya ta kambia den un tereno difísil pa transitá, kousando molestiá pa tantu e peaton komo pa outomobilistanan ku mester usa e ruta aki pa yega nan kas.

Advertisement

Rosaria a indiká ku pa aña nan largo habitantenan a keda ta spera un kambio, pero e problema ta sigui persistí sin un solushon struktural. Pa resolvé e situashon aki di un biaha pa semper, e habitante ta pidi pa Gobièrnu duna prioridat na Kaya Eva den nan plan di mantenshon di infrastruktura.

Mas aleu segun e propuesta di Rosaria, e mihó paso pa tuma ta pa duna e kaya aki un kapa di asfalt. Si a kaso ku esaki no ta posibel mesora, e ta sugerí pa por lo ménos drecha e kaya ku klinku pa asina garantisá ku e kaminda ta keda den bon estado, i ku e residentenan no tin ku sigui sufri konsekuensianan di stòf den tempu di sekura ni lodo ora áwaseru kai.

Habitantenan di Antriol ta spera ku e biaha aki nan yamada lo haña oido na instansianan di gobièrnu responsabel ku lo tuma akshon i plania pa mehorá kalidat di bida den e bario aki.